Faah-faahin dheeriya ayaa kasoo baxaysa weerar culus oo galabnimadii shalay xoogagga Al-Shabaab ku qaadeen xero ciidan oo maleeshiyaadka dawladdu kaga sugnaayeen gobolka Shabeellaha hoose.
Xeradan oo ku taalla xaafadda Haanta dheer ee degmada Afgooye ayay gabi ahaanba cagta mariyeen lana wareegeen dagaalyahannada Al-Shabaab.
Ilo-wareedyo ayaa sheegaya in la dilay 9 askari oo ka tirsan maleeshiyaadkii la weeraray, 4 kalena lagu dhaawacay, kuwaas oo uu ku jiro sarkaal taliye hoorin ah oo magaciisa loo soo gaabshay Kuulle.
Wararka ayaa intaas ku daraya in weerarkaasi lagu gubay hal gaari oo nooca raaxada ah isla markaana lagu soo furtay hub iyo saanad millateri oo kala duwan.
