Iyadoo hawl-gallada kala duwan ee lagu beegsanayo maleeshiyaadka DF Somaliya iyo ciidamada shisheeya ay si xawliya uga socdaan guud ahaan geyiga Soomaaliyeed, ayaa waxaa soo baxaya warar sheegaya dagaallo maanta ka dhacay gobolka Hiiraan.
Dagaal xooggan oo dhex-maray xoogagga Al-Shabaab iyo maleeshiyaadka dawladda ayaa maanta ka dhacay deggaan lagu magacaabo Habar-dero oo dhaca afaafka hore ee magaallada Baladweyne.
Ilo-wareedyo aanu helnay ayaa tibaaxaya in dagaalkaasi lagu jabiyey maleeshiyaadka dawladda, lagana dilay 2 askari.
Sidoo kale dagaal maanta ka dhacay duleedka degmada Buulaburde ee gobolka Hiiraan ayay xoogagga Al-Shabaab ugu awood-sheegteen maleeshiyaadka dawladda.
Ilo-wareedyo ayaa sheegaya dhaawaca 1 askari oo ka tirsanaa maleeshiyaadka la jabiyey, kaas oo magaciisa lagu sheegay Kulmiye Faragaab.
