Wararka ka imanaya gobolka Galgaduud ee bartamaha dalka Soomaaliya ayaa sheegaya dagaal la isku faro-saaray oo galabta dhex-maray xoogagga Al-Shabaab ee maleeshiyadka dawladda.
Ilo-wareedyo aanu helnay ayaa tibaaxaya in xoogagga Al-Shabaab ay dagaal kula wareegeen deggaanka Waniinle ee duleedka degmada Ceel Dheer.
Dagaalkan ayaa yimi kadib markii dagaalyahannada Al-Shabaab ay weerareen saldhigga maleeshiyaadka dawladda ee deggaankaasi.
Wararka ayaa intaasi ku daraya in uu jiro khasaare gaaray maleeshiyaadka la weeraray, walow aanaan ka helin faah-faahin dheeriya.
Weerarkan ayaa kusoo aadaya iyadoo gelinkii hore ee maanta 7 askari oo ka tirsan maleeshiyaadka dawladda ay dhimasho iyo dhaawac ku noqdeen weerar ka dhacay gobolka Hiiraan.
Sidoo kale 11 askari oo Yugaandhiis ah ayaa dhimasho iyo dhaawac ku noqday qaraxyo galabnimadii shalay lagu bar-tilmaameedsaday iyagoo ku socdaalaya deggaan hoos-taga gobolka Shabeellaha hoose.
Weerarrada lagu beegsanayo ciidamada shisheeye iyo maleeshiyaadka ku daabban ayaa si joogta ah uga socda guud ahaan gayiga Soomaaliyeed.
