Faysal Cali Waraabe oo kamid ah siyaasiyiinta Gobollada Waqooyi ee Somaliland isla markaana ahaa musharrax u tartamaya jagada madaxtinnimo ee maamulkaas ayaa hambalyeeyay Cabdiraxmaan-Cirro oo ku guuleystay in uu noqdo madaxweynaha Somaliland.
"Cabdiraxmaan waa saaxiibkay, haddii uu midkaayo heli lahaa isagaa helay waxaanan leeyahay hambalyo” ayuu yiri Faysal Cali Waraabe.
Faysal Cali ayaa u tartamey xilka madaxweynenimo afar jeer laakiin marna kuma guuleysannin balse waxa taas u sii dheer in uu sannadkan macasalaameeyay saaxadda siyaasadda maaddaama oo xisbigiisii dhacey.
Xisbiga Ucid oo Faysal hoggaamiyo ayaa doorashadii helay tiro ka yar 1% taas oo noqonaysa tiradii ugu yarayd ee Somaliland uu xisbi siyaasadeed helo.
Dhanka kale waxa hambalyo u direy Somaliland siyaasiyiinta Somalia sida Axmed Madoobe, Shariif Sheekh Axmed, Xasan Khayre, Cabdiraxmaan Cabdishakuur iyo RW Somalia Xamse Cabdi Barre.
Sidoo kale waxa Cirro hambalyeeyay madaxweynaha Jabbuuti Ismaaciil Cumar Geelle.
Guddoomiyaha Ololaha ee Xisbiga Kulmiye ee SL Mustafe Qodax ayaa isna kamid ahaa dadkii u hambalyada u direy Cirro.
