Dagaalyahannada Al-Shabaab waxay xalay madaafiic ku garaaceen xarun ciidanka Xabashida Itoobiya ka deggen yihiin magaallada Baydhabo ee gobolka Baay.
Xaruntan oo ku taal garoonka diyaaradaha ayay wararku sheegayaan in madaafiicdu ay ku hoobteen gudaha xerada.
Sidoo kale xoogagga Al-Shabaab ayaa xalay dagaal culus ku qaaday saldhigga maleeshiyayada dawladda ee deggaanka Siinka dheer ee gobolka Shabeellaha hoose.
Daryanka hubka noocyadiisa kala duwan ayaa laga maqlaayay meelo fog, isagoo deggaanka uu dagaalkani ka dhacay ku yaal waddada xiriirisa Muqdisho iyo Afgooye.
isla gudaha degmada Afgooye, waxaa gelinkii dambe ee shalay ka dhacay hawl-gal qorshaysan oo lagu khaarajiyey askari ka tirsan maleeshiyada dawladda federaalka Soomaaliya.
Wararka ayaa intaasi ku daraya in dagaalyahannadii Al-Shabaab ee hawl-galkaasi fuliyey ay furteen horey-na kasii qaateen qori uu watay askariga la dilay.
