Kadib khilaaf in mudda ah soo jiitamayay oo udhaxeeyay Xasan Sheekh Maxamuud iyo mid kamida wasiirrada ugu cad-cad xukuumadda Xamza Cabdi Barre ayaa ugu dambeyn laceyriyay wasiirkaasi.
Cabdirisaaq Max'med Cumar oo ahaa wasiirka Batroolka dowladda Federaalka ayaa xilka qaadis lagu sameeyay waxaana lagu bedelay nin ay wadatay Villa Somalia.
Ilo wareedyo ayaa sheegaya in Wasiirka Batroolka ay Xasan Sheekh isku qabteen lacagaha laaluushka ah ee laga qaado shirkadaha shidaalka shisheeye marka loo saxiixayo heshiisyada ay ku boobayaan kheyraadka barriga iyo badda Soomaaliya.
Xasan Gurguurte iyo wasiirkii hore ee Batroolka ayaa ku kala booday saamiga uu mid walba ka qaadanayo waxa loogu yeero xaqal -qalinka oo loola jeedo lacagta ladhaafsado shidaalka iyo macdanta Soomaaliya ee shirkadaha shisheeye ay boobka ku hayaan.
Cabdirisaaq Max'med Cumar oo xilkan hayay wax kabadan 2 sanadood xiriir ah ayaa lagu xusuustaa heshiisyadii khiyaanada ahaa ee uu saxiixay dowladda Turkiga in ay boobtay dhammaan kheyraadka dhax ceegaaga badda iyo barriga Soomaaliya.
Nin lagu magacaabo Daahir Shire Max'med ayaa loo magacaabay wasiirka cusub ee Batroolka kaasi oo lafilayo in Xasan Gurguurte uusan ku qabsan lacagaha laaluush-ka ah ee laga qaado shirkadaha shisheeye ee boobaya shidaalka dalka.
