Dagaalyahannada Al-Shabaab ayaa xalay dagaal culus ku miray saldhigga maleeshiyaadka Laftagareen ee degmada Xudur ee gobolka Bakool.
Isla gobolka Bakool, waxaa shalay ka dhacay qarax lala beegsaday askarta Xabashida Itoobiya xilli ay ku roondaynayeen garoonka diyaaradaha ee degmada Waajid.
Ilo-wareedyo aanu helnay ayaa sheegaya in weerarkaasi uu geystay khasaare culus oo isugu jira dhimasho iyo dhaawac soo gaaray Xabashida Itoobiya.
Xog kasoo baxaysa xaddiga khasaaraha ayaa sheegaysa dhimashada 2 sarkaal oo miino-baarayaal Itoobiyaan ah iyo dhaawaca 4 kale.
Gobolka Gedo, waxaa ka dhacay xalay weerar culus oo xoogagga Al-Shabaab ku qaadeen xerada WFP oo ay deggen yihiin maleeshiyaadka degmada Garbahaarey.
Gobolka Banaadir, waxaa habeen hore ka dhacay weerar qorshaysan oo xoogagga Al-Shabaab ka fuliyeen xaafadda Bangala ee degmada Dayniile ee magaallada Muqdisho.
Ilo-wareedyo ayaa sheegaya in weerarkaasi lagu dilay askari ka tirsanaa maleeshiyaadka Jawaasiista dhar-cadda oo magaciisa lagu sheegay Cabdullaahi Ibraahim Muumin.
