Xoogagga Al-Shabaab ee ka hawl-gala gobolka Hiiraan ayaa xalay qarax culus la beegsaday maleeshiyaad ilaalo ka hayey xabsiga magaallada Baladweyne.
Ilo-wareedyo aanu helnay ayaa sheegaya in uu jiro khasaare qaraxaasi kasoo gaaray maleeshiyaadkii la weeraray.
Gobolka Galgaduud, waxaa xalay ka dhacay hawl-gal ay dagaalyahannada Al-Shabaab ka fuliyeen deggaanka Waniinle ee degmada Ceel-dheer.
Hawl-galkan oo ahaa mid qorshaysan ayaa lagu beegsaday maleeshiyaadka DF-ka, waxaana laga dilay 2 askari, 2 kalena waa la dhaawacay.
Labada askari ee la khaarajiyey ayaa magacyadooda lagu kala sheegay Cabdullaahi Macalin Abuukar iyo Cadaawe Axmed Xasan.
Sidoo kale labada askari ee dhaawacmay ayaa iyagana magacyadooda lagu sheegay Mahad Muxuyadiin Aw Cali iyo Marshaale Boosh Maxamuud Nuur.
Wararka ayaa intaasi ku daraya in xoogagga Al-Shabaab ay weerarkaasi kusoo furteen Saddex qori oo AK47 ah iyo booshashkoodii.
Gobolka Baay, waxaa xalay ka dhacay weerar culus oo xoogagga Al-Shabaab ku mireen xerada Xabashida Itoobiya ee degmada Diinsoor iyo saldhigga maleeshiyaadka Laftagareen ee degmada Qansax-dheere.
Weerarradan joogtada ah ayaa dhiig-bax daran ku ah ciidamada gumaysiga ee soo-duulayaasha Afrikaanta iyo maleeshiyaadka daba-dhilifyada ah ee Soomaalida.
